Бүгін Қасым Қайсенов атамыз 106 жасқа толды!!!

Қасым Қайсенов 1918 жылы 23 сәуірде Шығыс Қазақстан облысы Ұлан ауданының Асубұлақ ауылында қарапайым еңбекші отбасында дүниеге келген. 1934 жылы орта мектепті толық аяқтамай Өскемен қаласындағы саяси-ағарту техникумына оқуға түсті. 1939 жылы оны бітірген соң әскери мектебіне жіберілді, 1941жылы оны бітірген соң әскери барлау мектебіне жіберіледі. 1941 жылы қараша айында осы мектепті бітірген бойда, Оңтүстік-Батыс майданының Штабына жөнелтілді. Ол жерде Қасым Қайсенов В.И.Чапаев құрамаксының партизан құрамасының үшінші отрядын басқарады. Молдовия, Украинаның Закарпатье бөлігі, Чехословакия және Румыния жеріндегі ұрыстарға қатысады.Әскери мұрағаттар Қасым Қайсенов туралы маңызыд  тарихи уақиғаларға толы. Кеңес жері фашист басқыншыларынан азат етілген соң 1945 жылдың басында Отанына оралып, Қазақ КСР Жоғарғы кеңесі президиумы аппаратын басқарады, содан кейін Жамбыл облысының Жуалы, Свердлов ауданында атқару камиттеттері төрағаларының орынбасары ретінде жұмыс істейді.