Бүгін мектебімізде 2024-2025 оқу жылын аяқтау бойынша педагогикалық кеңес өтті.

Кеңесте VI тоқсан және жылдық қорытынды сараптамасы жасалынып, оқу пәндері бойынша білім сапасының мониторингі анықталды.
5,6,7,8 және 10-сынып оқушыларының оқу үлгерімі қаралып, келесі сыныпқа көшіру мәселесі талқыланды. Жоғары көрсеткішке жеткен оқушылар мақтау қағаздарымен марапаттауға ұсынылды.

№2 “Тиімді команда” жобасының жұмысы сараланып, оның нәтижесі мен алдағы кезеңдегі бағыттары анықталды.

Сонымен қатар, оқушылардың жазғы демалысын тиімді ұйымдастыру, қауіпсіздік шаралары, жазғы лагерьлер мен бос уақытты дұрыс өткізу жолдары қарастырылды.

Педагогтер тарапынан ұсыныстар айтылып, бірлескен шешімдер қабылданды.