Бүгін мектебімізде Ауған соғысының ардагерлері Дархан Камбарович Увазыровпен кездесу өтті. Бұл кездесу - өткеннің маңызды беттерін еске алып, отан алдындағы борышын өтеген батырлардың ерлігін құрметтеу мақсатында ұйымдастырылды.

Кездесу барысында Дархан аға Ауған соғысы кезінде бастан кешкен оқиғалармен бөлісіп, сол кезеңдегі әскери өмір, жауынгерлердің батылдығы мен достық рухы туралы әсерлі әңгімелер айтты. Оқушылар оның естеліктерін тыңдап, өздерін қызықтырған сұрақтарын қойды. Ардагер жас ұрпақты Отанын сүюге, құрметтеуге, еліміздің патриоты болуға шақырды.